Osy aptanyń basynda óńirdi jaipap ótken «In-fa» taifýnynyń saldarynan Okinavanyń Ońtústik prefektýrasynda bes adam jaraqat aldy, dep habarlaidy NHK telearnasy.
Ótken seisenbiden bastap Japoniianyń ońtústiginde tropikalyq daýyl soǵyp tur. Eldiń meteorologiialyq basqarmasynyń málimetinshe, ortalyq bóligindegi jeldiń jyldamdyǵy shamamen 40 m/s, al ekpini 55 m/s bolǵan.
Taifýnǵa bailanysty, Naha qalasyndaǵy Okinava bas áýejaiynyń onlain-taqtasyna sáikes, 56 ishki reister keiinge shegerildi. Sondai-aq aimaqta parom qyzmeti toqtatyldy, óitkeni keibir jerlerde tolqyndardyń biiktigi 10 metrge jetti.
