Japoniiada karantin jariialanǵan Diamond Princess krýizdik lainerinde taǵy 39 adamnyń testi koronavirýsqa oń nátije berdi. Indet juqtyrǵandar sany 175 adamǵa jetti. Olardyń arasynda karantindik inspektor da bar, dep habarlaidy "Ult aqparat" Japan Today-ge silteme jasap.
Diamond Princess laineri 3 aqpan kúni Iokogamýǵa kelgennen keiin eki aptaǵa karantinge ornalastyryldy. Jolaýshylardyń birinen koronavirýs tabyldy.
Keme bortynda 3700 adam bolǵan. Diamond Princess álemdegi iri krýizdik lainerlerdiń biri Princess Cruise Lines-ge tiesili.
Keibir BAQ-tyń málimdeýinshe, úkimet egde jastaǵy adamdar men sozylmaly aýrýy bar adamdarǵa karantin merzimi aiaqtalǵanǵa deiin, 19 aqpanǵa deiin jaǵaǵa shyǵýǵa ruqsat berý máselesin qarady, biraq olardy qaida jiberý kerektigin anyqtaý úshin ýaqyt qajet.
Japan Times aǵylshyn tildi gazetiniń deregi boiynsha, krýizdik kemedegi jolaýshylardyń 80%-y 60 jastan asqandar, sonyń ishinde 215 adam 80 jastan asqan jáne 11 adam 90-nan asqan.
Kyodo agenttigi densaýlyq saqtaý ministrligine silteme jasap habarlaǵandai, 39 adamnyń 10-y ekipaj múshesi. Aýrý juqtyrǵandar arasynda 10 Japoniia azamaty, qalǵandary 11 eldiń, sonyń ishinde AQSh pen Qytai azamattary. Tórteýi aýyr halde jatyr.
Eske salsaq, buǵan deiin Japoniianyń krýiz lainerinde koronavirýs juqtyrǵandar sany 70-ke jetkeni týraly habarlaǵan bolatynbyz.
