Diamond Princess krýizdik laineriniń eki jolaýshysy koronovirýs juqtyryp, kóz jumdy, dep habarlaidy bbc.com saity.
Bul týraly japoniialyq En-eich-kei telearnasy memleketik aqparat kózderiniń birine silteme jasap habarlady, alaida derekkózdiń aty atalmaidy.
Telearnanyń habarlaǵanyndai, virýstyń saldarynan mert bolǵandar áiel men er adam. Ekeýiniń de jasy 80-nen asqan. Japan News tvitter akkaýntynyń málimetterinshe (Japoniiadaǵy bedeldi «Iomýri» basylymymen bailanysty), mert bolǵandar Japoniia azamattary.
En-eich-kei málimeti boiynsha, olardan 11 jáne 12 aqpan kúnderi virýs anyqtalyp, jolaýshylar kemeden túsirilip, emhanaǵa jatqyzyldy. Virýs juqtyrǵanǵa deiin ekeýiniń de basqa aýrýlary bolǵan.
Keme japondyq Iokogama portynda eki apta karantinde turdy. Jaqynda ǵana bilik ókilderi koronavirýs anyqtalmaǵan jáne onyń belgileri joq 500 jolaýshynyń jaǵaǵa shyǵýyna ruqsat berdi.
Indet juqtyrǵan adamdar áli tirkelip jatyr, kemedegi naýqastardyń sany 621-ge jetti. Bul Qytai shekarasynan tys aýmaqta Covid-19 virýsyn juqtyrǵandardyń eń úlken shoǵyry.
Karantin kezinde infektsiia jolaýshylar arasynda tez tarap ketti. Birneshe memleket karantin bitkenshe azamattaryn evakýtsiialady. Ázirge kemeden qart adamdar shyǵaryldy.
Karantin bastalǵan ýaqytta lainerde 3700 jolaýshy men ekipaj múshesi boldy.
Qytai biligi beisenbi kúni virýs juqtyrǵandar men qaza tapqandar sanyna qatysty jańa derek usyndy: qaitys bolǵandar sany - 2112, bir kún burynǵy málimetten 108-ge kóp.
Jalpy indet juqtyrǵandar 74 myńnan asty, ótken táýlikte 628 jańa oqiǵa tirkeldi.
