«Kúnshyǵys elinde» alǵashqy ál-Farabi ortalyǵynyń ashyldy. Bul uly oishyl ál-Farabidiń 1150 jyldyǵyn merekeleý aiasynda Japoniia men Qazaqstan arasyndaǵy yntymaqtastyqty damytýda mańyzdy oqiǵa boldy, dep habarlaidy QR SIM baspasóz qyzmeti.
Saltanatty rásim QR-dyń Japoniiadaǵy Elshiliginiń qoldaýymen eń bedeldi joǵary oqý oryndarynyń biri – Tsýkýba ýniversitetinde ótti.
Ortalyq gýmanitarlyq, áleýmettik jáne jaratylystaný ǵylymdary salasynda birlesken ǵylymi-bilim berý jobalaryn iske asyrý, Qazaq ulttyq ýniversiteti esimin laiyqty ielenip júrgen, kórnekti ǵalym jáne filosof Ábý Nasyr ál-Farabidiń altyn entsiklopediialyq murasyn ilgeriletýdiń biregei halyqaralyq alańyna ainalýǵa tiis.
«Ál-Farabi ortalyǵynyń ashylýy – oishyl tulǵasyna degen joǵary qurmettiń belgisi ári qazaq halqyna degen úlken dostyqtyń kórinisi. Onyń bolashaǵy zor. Ortalyq kásibi kadrlardy birlesip daiarlaýǵa, QazUÝ men Tsýkýba ýniversiteti ǵalymdarynyń halyqaralyq reitingtik basylymdardaǵy jariialanymdaryn arttyrýǵa, sondai-aq zertteý qyzmetin damytýǵa baǵyttalǵan. Ortalyqta qazaq tili oqytylyp, Qazaqstannyń tarihy men mádenieti tanystyrylatyn bolady», – dep atap ótti QazUÝ rektory Ǵalym Mutanov.
Meidji (1872) dáýirinen bastaý alatyn Japoniianyń jetekshi zertteý ýniversitetteriniń birindegi ál-Farabi ortalyǵynyń missiiasy halyqaralyq arenada Qazaqstannyń imidjin nasihattaýǵa jáne tanymaldyǵyn arttyrýǵa baǵyttalǵan. Sonymen qatar, negizgi seriktester adamzat órkenieti tarihynda baǵa jetpes ról atqarǵan uly filosof ál-Farabidiń murasyn zerdelep dáripteý maqsatynda eki ýniversitettiń áleýetin biriktirýge daiyn ekendikterin bildirdi.
Ortalyqtyń ashylýynda sóz sóilegen Tsýkýba ýniversitetiniń prezidenti Nagata Kiosýke ál-Farabi ortalyǵynyń qyzmeti birlesken ǵylymi-bilim berý jumysyn odan ári damytyp órkendetýge yqpal etetinin, sondai-aq Qazaqstan men Japoniia arasyndaǵy qatynastardy nyǵaitýǵa úlken úles qosatynyn alǵa tartty.
Atap óterlik jait, ortalyqtyń ashylýy ál-Farabi atyndaǵy QazUÝ men Tsýkýba ýniversitetiniń Campus-in-Campus baǵdarlamasyn birlesip tabysty iske asyrýynyń jáne de kóp jylǵy jemisti yntymaqtastyǵynyń arqasynda múmkin boldy.
Qazaqstannyń atalmysh eldegi Elshisi Erlan Baýdarbek-Qojataev atap ótkendei: «Bul is-shara eki ýniversitettiń seriktestiginiń ǵana emes, sondai-aq elderimiz arasyndaǵy dostyq qarym-qatynastyń da simvoly... Ál-Farabidiń mereitoiyn merekeleý – Qazaqstannyń jańa tarihyndaǵy mańyzdy kezeń, óitkeni onyń tulǵasy álemdik qoǵamdastyqqa bilim men ǵylymnyń, mádeniet pen ádebiettiń Uly dalada ejelden damyǵanyn aishyqtaidy».
Ál-Farabidiń ideialaryn dáriptei otyryp, QazUÝ álemniń 10 jetekshi joǵary oqý ornynda ashylǵan Ál-Farabidiń ortalyqtary men murajai-úileri arqyly uly oishyldyń ideialaryn keńinen taratý arqyly maqsatty jumys júrgizýde. Ál-Farabidiń mereitoilyq jylynda AQSh, Resei, Gretsiia, Rýmyniia, Albaniia, Malaiziia, Ózbekstan, Koreia Respýblikasy jáne Baltyq elderinde jańa ortalyqtar qurý jóninde ýaǵdalastyqqa qol jetkizildi.
