Japoniianyń ortalyq bóliginiń Aiti prefektýrasyndaǵy Toiohasi qalasynda aýrýhana qyzmetkeri qatelesip, 80 jastaǵy jergilikti turǵynǵa bir kúnde amerikandyq-germaniialyq Pfizer jáne BioNTech konsortsiýmy vaktsinasynyń eki dozasyn saldy. Bul týraly Kyodo agenttigi habarlady.
Dáriger sol kúni basqa meditsinalyq qyzmetker ekpe salǵan áieldiń jeke kýáligin teksermegen. Bul rette vaktsinany qaita egý janama áserin tigizgen joq, degenmen aýrýhana qyzmetkerleri egde jastaǵy áieldiń densaýlyq jaǵdaiyn qadaǵalaýda.
Pfizer jáne BioNTech keńesteri boiynsha, vaktsinanyń eki dozasy úsh aptalyq intervalmen salynýy tiis.
Japoniiada vaktsinalaý naýqany aqpan aiynyń ortasynda bastalǵan. Qazirgi kezde tolyq immýndaý 4,8 mln meditsinalyq qyzmetkerdiń tek 1,2 mln arasynda ǵana júrgizilgen (halyqtyń 1 paiyzǵa jýyǵy).
12 sáýirde elde 65 jastan asqan turǵyndarǵa ekpe salý bastalǵan. Qazirgi kezde bul sanattaǵy 400 myń adamǵa vaktsinanyń birinshi dozasy jáne 15 myń adamǵa – ekinshi doza egilgen.
