Sársenbi kúni tańerteń Japoniia Úkimeti tolyq quramda otstavkaǵa ketti, dep habarlaidy "Ult aqparat" Kiodo agenttigine silteme jasap.
Premer-ministr Sindzo Abe kabinet músheleriniń otstavka týraly ótinishterin qabyldady. Buǵan shilde aiynda parlamenttiń joǵarǵy palatasyna sailaýda partiianyń jeńiske jetýinen keiin jáne qazan aiyna josparlanǵan tutynýshy salyǵyn 10 paiyzǵa qymbattatýdyń aldynda úkimet quramynyń ózgerýi sebep boldy.
Ótken jyldyń qazan aiynda Úkimette oryn alǵan ózgerister barysynda kóptegen ministrler oryndaryn saqtap qalsa, qazir tek Úkimet hatshysy Iosihide Sýga jáne qarjy ministri Taro Aso qalatyn bolady.
Eki ministr, Japoniiada aitylatyndai, «kóldeneń boiynsha» aýysady. SIM basshysy Taro Kono ekonomika ministri atansa, Syrtqy ister ministrligin búgingi tańdaǵy Ekonomikany qaita qalpyna keltirý isi jónindegi ministr Tosimitsý Motegi almastyratyn bolady. Burynǵy kabinettiń kezinde ministr laýazymdaryn atqarǵan taǵy da eki adam úkimetke qaita oralady, al qalǵan 13 adam alǵash ret kabinet quramyna kirmek. Sársenbi kúni keshke el imperatorynyń jańa ministrler kabinetin bekitý rásimi ótedi.
Tústen keiin úkimettiń jańa quramy belgili bolady.
