«Japoniiaǵa barǵan halyq memlekettiń muntazdai tazalyǵyna tańdai qaǵady. Odan keiin kózge túsetini – qoqys tastaityn ýrnalar men aýla sypyrýshylardyń joqtyǵy. Soǵan qaramastan, Japoniia qalaisha erekshe taza memleketke ainaldy?» dep jazady VVS.
Avtordyń aitýynsha, memlekettiń tazalyǵyn azamattar saqtap tur.
«Mektepte 12 jylda tazalyq jumystary kúndelikti tártip sanalady. Otbasynda ár ata ana balalardy tártipke úiretip, qorshaǵan ortany tazalyqta ustaý kerektigin boiyna sińiredi. Bul qoǵamdyq sananyń elementin mektep baǵdarlamasyna engizip, balalardy qorshaǵan ortany aialaýǵa baýlidy. Ózderi tazalaýy kerek mektep ainalasyn kim shashsyn?», dep jazady avtor. Onyń aitýynsha, bul balalardy jaýakershilikke úiretedi.
«Japoniianyń tazalyq sharalary týristik kórnekilikke ainalǵan. Tipti, japon fýtbol jankúierleri de 2014 jyly Braziliiadaǵy, 2018 jylǵy Reseidegi álem chempionatynda álemdi tańdandyrǵan edi. Mundai stsenarii mýzyka festivalderinde de baiqalady», deidi avtor. Onyń jazýynsha, keńse qyzmetkerleri kúnde tańerteń jumys oryndarynyń ainalasyn jinaidy. Balalar ai saiyn mektep ainalasyn tazalaidy», dep jazady avtor.
Avtor budan ári japondardyń ne sebepti tazalyqqa qumar ekenin anyqtaýǵa tyrysqan.
«1600 jyly Ýill Adams Japoniiaǵa barǵan alǵashqy aǵylshyn boldy. Ol óz biografiiasynda japondar ainalasyn taza ustaitynyn jáne óziniń osyndai tazalyqqa tańǵalǵanyn japondar túsinbegenin jazǵan. Tazalyqqa qumarlyq praktikalyq problemalardan paida bolýy múmkin. Japoniiadaǵydai ystyq jáne ylǵaldy ortada taǵam tez taýsylady, bakteriia jyldam taraidy. Iaǵni, jaqsy gigiena jaqsy densaýlyq kepili bolady», dei kele avtor Japoniiaǵa barǵan kez kelgen adam tazalyqqa tez úirenetinin, al eline oralǵan soń burynǵy tirshilikti qabyldai almaitynyn jazǵan.
