Japoniiadaǵy aýktsionda eki «Iýbari» sortty qaýyny 23,5 myń dollarǵa satyldy, dep habarlaidy QazAqparat tilshisi Kyodo agenttigine silteme jasap.
Beisenbide Japoniianyń Hokkaido aralyndaǵy biylǵy birinshi aýyl sharýashylyǵy aýktsionynda Iýbari qaýyndary 3 million ienge (shamamen 23,5 myń dollar) satyldy.
Aýktsionda barlyǵy 2721 qaýyn satyldy. Hokkaido aralynyń jergilikti fermerleri Japoniia naryǵyna 2,03 milliard ien (shamamen 15,7 million dollar) somasyndaǵy 3,4 myń tonna qaýyn jetkizýdi josparlap otyr.
Kyodo-nyń habarlaýynsha, Japoniiadaǵy alǵashqy aýylsharýashylyq aýktsiondarynda baqsha ónimderiniń joǵary sapaly sorttary ádette eń joǵary baǵamen satylady.
«Iýbari» qaýyny bul ataýǵa Iýbari qalashyǵynda (Hokkaido araly) ósirilgendikten ie bolǵan.
Buǵan deiin habarlanǵandai, 2022 jyldyń basynan bastap Japoniia biligi álemdegi eń iri megapolisterde – Niý-Iork, Los-Andjeles, Bangkok, Singapýrde azyq-túlik eksporty platformalaryn iske qosty. QHR men EO-da osyǵan uqsas alańdar qurý josparda bar.
2030 jylǵa qarai Tokio aýyl sharýashylyǵy, orman jáne balyq ónimderiniń jyldyq eksportyn 38,6 milliard dollarǵa jetkizýdi josparlap otyr.
