Qazaqstandyq «Janym, aitsam senbeisiń» filmi reseilik «Kinoshok» festivaliniń bas júldesin jeńip aldy, dep habarlaidy "Ult aqparat".
Bul jaiynda kinofestivaldiń resmi saitynda jariialandy.
1992 jyldan beri Reseidiń Anapa qalasynda uiymdastyrylatyn jyl saiynǵy «Kinoshok» festivaliniń saltanatty marapattaý rásimi biyl 17-23 qazan aralyǵynda ótken bolatyn.
Sharanyń bas júldesi - tolyq metrajdy filmge beriletin «Altyn sabaq» gran-pri syilyǵyn Ernar Nurǵalievtiń «Janym, aitsam senbeisiń» filmi ielendi.
Kinotýyndy sonymen qatar Baspasóz diplomyn alyp, «Úzdik stsenarii» atalymynda kósh boiy ozyp shyqty.
Foto: Facebook
Sondai-aq qazaqstandyq «Chernyi, chernyi chelovek» filminiń qoiýshy rejisseri Ádilhan Erjanov festivaldiń «Úzdik rejissýra» nominatsiiasynda jeńiske jetti.
Al osy filmniń basty rólin somdaǵan Daniiar Alshynov úzdik akter atandy.
Aita keteiik, Daniiar Alshynov «Janym, aitsam senbeisiń» filminde de basty rólde oinaǵan.
