QR IIM Ákimshilik politsiia komitetiniń erekshe tapsyrmalar jónindegi aǵa inspektory Aibek Óskembaev janýarlarǵa zorlyq-zombylyq boiynsha jaýapkershilikti kúsheitý sharalary týraly aityp berdi, dep habarlaidy QazAqparat.
«Janýarlarǵa jaýapkershilikpen qaraý týraly» zań jobasyn maquldaý protsesinde QR IIM qylmystyq jaýapkershilikti kúsheitý boiynsha usynystar ázirledi. Qazirgi ýaqytta Qylmystyq kodekstiń 316-baby tym jumsaq. Sondyqtan ony qatańdatý qajet. Odan bólek, biz QR Qylmystyq kodeksiniń 313-babyn (Qatygezdik pen zorlyq-zombylyqty nasihattaityn týyndylardy zańsyz taratý) qataitý boiynsha usynystar engizdik. Ákimshilik quqyq buzýshylyq úshin jaýapkershilikti kúsheitý, iaǵni QR ÁQBK 408-baby boiynsha aýyl sharýashylyǵynda mal jaiý erejelerin, it pen mysyqty asyraý jáne serýendetý erejelerin, qańǵybas itter men mysyqtardy aýlaý, joiý erejelerin buzǵany úshin jaýapkershilik engizý usynyldy», - dedi Óskembaev Ortalyq kommýnikatsiialar qyzmetinde ótken brifingte.
Sonymen birge, Qylmystyq kodekstiń 313-baby boiynsha aiyppul túrindegi sanktsiiany 2000 AEK-ten 5000 AEK-ke deiin ulǵaitý usynylǵan. Qoǵamdyq jumystar 600 saǵattan 1000-ǵa deiin, shekteý nemese bas bostandyǵynan aiyrý – 2 jyldan 5 jylǵa deiin artýy múmkin. Qylmystyq jaýapkershilik jasyn 16 jastan 14 jasqa tómendetý usynylady.
«Qylmystyń ózi qylmystyq teris qylyq sanatynan ortasha aýyrlyqtaǵy qylmysqa aýystyrylady. QR ÁQBK-niń 408-baby boiynsha eskertý túrindegi jazany alyp tastaýdy jáne 408-baptyń 2-bóliginde aiyppuldy 10-nan 20 AEK-ke deiin ulǵaitýdy usynamyz. Bul usynystardy QR IIM Bas prokýratýraǵa engizdi jáne maquldandy. Bolashaqta jumys toptarynyń otyrystarynda qaralǵanda bul normalar óz ornyn tabady dep oilaimyn», - dedi Óskembaev.
