Jelide Almaty oblysynda jol talǵamaityn kólikpen jylqyny basyp ótpek bolǵan er adamnyń áreketi qyzý talqylanyp jatyr, - dep habarlaidy "Ult aqparat" Massaget.kz portalyna silteme jasap.
Video bir kún buryn áleýmettik jelilerde jariialanǵan. Kadrlardan er adam jerde jatqan janýardy jol talǵamaityn kólikpen ádeii basqanyn kórýge bolady. Pikir bildirýshiler er adamnyń áreketin aiyptap, politsiiany osy oqiǵaǵa nazar aýdarýǵa shaqyrǵan.
Politsiia kúdiktini ustaǵan. Quqyq qorǵaý organdarynyń málimetinshe, Mejdýrechensk aýylynyń 38 jastaǵy turǵyny aýyldastarymen janjal kezinde kólikpen jylqyny basyp ketken. Er adamnyń sózinshe, baqshasynan 20-ǵa jýyq jaiylyp júrgen jylqyny shyǵarýǵa tyrysqan.
"Bul derekke qatysty "Janýarlarǵa qatygezdikpen qaraý" baby boiynsha qylmystyq is qozǵaldy. Qylmystyq protsestiń úsh býyndy modeli aiasynda prokýratýramen kelise otyryp, ustalǵan adamǵa kelýge mindetteý túrindegi bultartpaý sharasy tańdaldy", - dedi Almaty oblysy PD baspasóz qyzmeti ókili.
