Tanymal qazaqstandyq shahmatshy Jansaia Ábdimálik 2022 jylǵy Dúniejúzilik shahmat olimpiadasynda alǵashqy taqtalar arasynda qola júldeger atandy, dep habarlaidy Ulysmedia.kz «Sport Shriodingera» Telegram-kanalyna silteme jasap.
Birinshi taqtada komandanyń eń myqty oiynshylary oinaidy. Taǵy bir qazaqstandyq Bibisara Asaýbaeva ekinshi taqta arasynda tórtinshi boldy.
Áielder quramasy:
Jansaia Ábdimálik (22 jasta) — birinshi taqta, 3-oryn;
Bibisara Asaýbaeva (18 jasta) — ekinshi taqta, 4-oryn;
Kseniia Balabaeva (17 jasta) — úshinshi taqta, 16-oryn;
Gúlishan Nahbaeva (31 jasta) — tórtinshi taqta, 11-oryn;
Nazerke Nurǵali (18 jasta) — besinshi taqta, 8 oiynnan az oinady.
Erler quramasy:
Rinat Jumabaev (33 jasta) — birinshi taqta, top-20-ǵa kire almady;
Álisher Súleimenov (22 jasta) — ekinshi taqta, 13-oryn;
Murtas Qajyǵaleev (49 jasta) — úshinshi taqta, 8 oiynnan az oinady;
Arystanbek Orazaev (24 jasta) — tórtinshi taqta, 18-oryn;
Qazybek Nógerbek (18 jasta) — besinshi taqta, 19-oryn.
Buǵan deiin habarlanǵandai, QR áielder quramasy 17 matchtyq upai jinady (8 jeńis, 1 teń oiyn, 2 jeńilis).
Halyqaralyq reitingke sáikes áielder quramasy Olimpiadanyń bastapqy tiziminde 10-shy oryndy ielenip, qorytyndy nátijede 5-shi oryn aldy. Bizdiń shahmatshylarymyz – orta jastaǵy eń jas komandalardyń biri.
