Reseidiń Sochi qalasyna ushyp kelgen qazaqstandyq ánshi Dimash Qudaibergendi jankúierleri áýejaidan gúldermen jáne dý qol shapalaqpen qarsy aldy, dep habarlaidy "Ult aqparat".
Ánshiniń Instagram-daǵy fan-akkaýnty áýejaiǵa reseilik, qytailyq, tipti amerikalyq jankúierler jinalǵanyn jazdy. «Barlyǵy erteńgi kontsertti taǵatsyzdana kútedi», - delingen onda.
Foto jáne videokadrlardan jinalǵan jurt qazaqstandyq ártisti gúlderdiń astynda qaldyrǵanyn kórýge bolady. Bir shoq gúlin tartý etken fanattardyń biri olardy óziniń baǵynda ósirgenin aityp ótti.
Aita keteiik, 18 qazan kúni Sochi qalasynda WOW-arena jańa kontserttik, oiyn-saýyq alańy ashylady. Dimash nysannyń ashylý saltanatyna orai jeke kontsertin ótkizedi. Al 19 qazanda munda aralas jekpe-jekten Fight Nights Global-dyń titýldyq aiqasy ótedi. Alańda Ali Bagaýtinov pen Jalǵas Jumaǵulov kúsh synasady.
«Bul alań túrli kontserttik, sporttyq sharalardyń ótkizilýine arnalǵan. Munda arnaiy qonaq retinde shaqyrylyp otyrmyn. 18 qazan kúni kontsertke kelińizder», - dedi ánshi arnaiy túsirilgen videoda.
Condai-aq Dimash qarasha aiynda Japoniia astanasy Tokioda ótetin ABU TV Song festivalinde óner kórsetedi. Odan bólekQR Mádeniet jáne sport ministrliginiń uiymdastyrýymen 10 jeltoqsanda Niý-Iorkte (AQSh) «Arnau tour ENVOY» jeke kontsertin beredi.
