Qazaqstandyq boksshy Jánibek Álimhanuly WBO reitinginde úzdik úshtikten kórindi, dep habarlaidy "Ult aqparat".
Bul jaiynda Qazaqstan kásipqoi boks qaýymdastyǵynyń áleýmettik jelidegi paraqshasynda jariialandy.
Qazaqstandyq sportshy Búkilálemdik boks uiymynyń (WBO) 72,6 kelige deiingi orta salmaqtaǵy eń myqty úsh boksshysynyń biri atandy.
Buǵan deiin tórtinshi orynda turǵan ol joǵary jyljyp, úshinshi orynǵa jaiǵasty. Al osy pozitsiiada ornalasqan Qanat Islam bir saty tómendedi.
Eske sala keteiik, bir apta buryn Jánibek Álimhanuly Las-Vegasta (Nevada shtaty, AQSh) argentinalyq Gonsalo Koriiany nokaýtpen jeńgen bolatyn.
Osylaisha 27 jastaǵy J.Álimhanuly kásipqoi bokstaǵy toǵyzynshy jeńisine qol jetkizip, WBO Global jáne WBC ContinentalAmericas titýldaryn qorǵap qaldy.
