Eki titýl úshin aiqasta qarsylasyn nokaýtqa jibergen qazaqstandyq kásipqoi boksshy Jánibek Álimhanuly (8-0, 4 KO) WBC reitinginde óz kórsetkishin jaqsartty, dep habarlaidy "Ult aqparat".
«Qazaqstan kásipqoi boksynyń» áleýmettik jelidegi paraqshasynda habarlanǵandai, Jánibek oryndar týraly tábil relizinde 16-shy orynnan 15-shi orynǵa kóterilgen. Diviziondaǵy úzdik boksshylardyń úshtiginde amerikalyq Deniel Djeikobs, poliak Kamil Sheremeta men ýkrainalyq Sergei Derevianchenko tur.
Eske sala ketsek, ótken aptada Jánibek Álimhanuly kanadalyq boksshy Albert Onolýnosty nokaýtpen jeńgen bolatyn. Osylaisha, 26 jastaǵy qazaqstandyq boksshy óziniń orta salmaqtaǵy WBC Continental Americas titýlyn qorǵap qaldy.
