Foto: twitter.com/trboxing/
WBO, IBF tujyrymdary boiynsha orta salmaqtaǵy Álem chempiony Jánibek Álimhanuly 6 jeltoqsan kúni WBA tujyrymy boiynsha orta salmaqtaǵy Álem chempiony 42 jastaǵy Erislandi Laramen úsh belbeýdi sarapqa salynatyn jekpe-jekke qol qoidy, dep habarlaidy Ult.kz.
Eki boksshynyń aiqasy 6 jeltoqsanda (UTC−5) San-Antonioda (Tehas shtaty) ótedi. Sol keshtiń basty aiqasy Lamont Roých pen Isaak «Pitbýl» Krýs arasyndaǵy jekpe-jek bolmaq.
Otandasymyz sońǵy jekpe-jegin sáýir aiynda Astanada ótkizip, Anýel Ngamissengeni (14-1, 9 KO) nokaýtqa jiberip, óz ataqtaryn qorǵap qaldy. Aita ketsek, qazaqstandyq boksshy IBF chempiony ataǵyn eki jyl buryn, al WBO belbeýin oǵan deiin bir jyl buryn ielengen edi.
Kýbalyq boksshy ótken jyldyń qyrkúieginen beri ringke shyqqan joq. Sol kezde ol eki salmaq dárejesindegi burynǵy chempion, amerikalyq Denni Garsiiany (37-4, 21 KO) tehnikalyq nokaýtpen jeńgen.
