Taiaýda jaraqat alyp, emdelip jatqan qazaqstandyq boksshy Jánibek Álimhanuly ringke qashan oralatynyn aitty, dep habarlaidy «Ult aqparat».
Bul jaiynda sportshy Instagram paraqshasynda jazdy.
«Jaraqatqa alańdap, janashyrlyq tanytyp, tileýlestigin bildirip jatqan barsha jankúierlerge erekshe alǵys aitqym keledi. Sizder óte kópsizder. Maǵan senesizder. Ony óte jaqsy bilemin. Qazir eldemiz. Jaraqatty emdeýdi bastap kettik. Bel endi burynǵydan da myqty bolady. Bul jaraqattyń qazir shyqqany durys boldy. Chempiondyq jekpe-jek aldynda bolsa qinalyp qalar edik. Bizge neniń qaiyrly ekenin Alla jaqsy biledi» dep jazdy Jánibek Álimhanuly.
Boksshynyń aitýynsha, ol mamyr aiynda ringke oralady.
Eske sala keteiik, biz buǵan deiin Jánibek Álimhanulynyń jaraqat alǵanyn jazǵan bolatynbyz. Jánibek Álimhanuly Amerikada jattyǵyp jatqan bolatyn. Ol orta salmaqtaǵy WBO Global chempiony. Sońǵy jekpe-jegin qyrkúiek aiynda ótkizgen.
Ol kezde argentinalyq boksshy Gonsalo Koriiany (16-4, 6 KO) ekinshi raýndta nokaýtqa túsirdi.
