تاياۋدا جاراقات الىپ, ەمدەلٸپ جاتقان قازاقستاندىق بوكسشى جەنٸبەك ەلٸمحانۇلى رينگكە قاشان ورالاتىنىن ايتتى, دەپ حابارلايدى «ۇلت اقپارات».
بۇل جايىندا سپورتشى Instagram پاراقشاسىندا جازدى.
«جاراقاتقا الاڭداپ, جاناشىرلىق تانىتىپ, تٸلەۋلەستٸگٸن بٸلدٸرٸپ جاتقان بارشا جانكٷيەرلەرگە ەرەكشە العىس ايتقىم كەلەدٸ. سٸزدەر ٶتە كٶپسٸزدەر. ماعان سەنەسٸزدەر. ونى ٶتە جاقسى بٸلەمٸن. قازٸر ەلدەمٸز. جاراقاتتى ەمدەۋدٸ باستاپ كەتتٸك. بەل ەندٸ بۇرىنعىدان دا مىقتى بولادى. بۇل جاراقاتتىڭ قازٸر شىققانى دۇرىس بولدى. چەمپيوندىق جەكپە-جەك الدىندا بولسا قينالىپ قالار ەدٸك. بٸزگە نەنٸڭ قايىرلى ەكەنٸن اللا جاقسى بٸلەدٸ» دەپ جازدى جەنٸبەك ەلٸمحانۇلى.
بوكسشىنىڭ ايتۋىنشا, ول مامىر ايىندا رينگكە ورالادى.
ەسكە سالا كەتەيٸك, بٸز بۇعان دەيٸن جەنٸبەك ەلٸمحانۇلىنىڭ جاراقات العانىن جازعان بولاتىنبىز. جەنٸبەك ەلٸمحانۇلى امەريكادا جاتتىعىپ جاتقان بولاتىن. ول ورتا سالماقتاعى WBO Global چەمپيونى. سوڭعى جەكپە-جەگٸن قىركٷيەك ايىندا ٶتكٸزگەن.
ول كەزدە ارگەنتينالىق بوكسشى گونسالو كورييانى (16-4, 6 كو) ەكٸنشٸ راۋندتا نوكاۋتقا تٷسٸردٸ.
