Qazaqstandyq kásipqoi boksshy Jánibek Álimhanuly 3 qarashada ótetin kezekti aiqasyna tas-túiin daiyn ekenin málimdedi, dep habarlaidy "Ult aqparat".
«Myqtyny utsań ǵana myqty bolasyń. Myqtyny jeńgende ǵana chempiondyq belbeýge jaqyndaisyń. Maǵan ringte álsizderdiń keregi joq. 3 qarasha kúni 13 jekpe-jeginiń 12-in utqan, tek 1 ǵana jekpe-jeginde tóreshilerdiń sheshimimen utylǵan Van Aleksandrmen judyryqtasamyn. Qazaq boks stilin 3 qarashada álem jankúierlerine kórsetemiz», - dep jazdy Jánibek Álimhanuly óziniń Instagram paraqshasynda.
Aita ketken jón, 29 qyrkúiekte Jánibek Álimhanuly (2-0, 1 KO) kásipqoi boks ringindegi óziniń úshinshi jekpe-jegin jeńispen aiaqtaǵan bolatyn. AQSh-tyń Kaliforniia shtatyndaǵy Oklend qalasynda kolýmbiialyq Karlos Galvanmen (16-7-1, 15 KO) kezdesýde otandasymyz tóreshilerdiń sheshimimen jeńiske jetken edi.
