قازاقستاندىق كەسٸپقوي بوكسشى جەنٸبەك ەلٸمحانۇلى 3 قاراشادا ٶتەتٸن كەزەكتٸ ايقاسىنا تاس-تٷيٸن دايىن ەكەنٸن مەلٸمدەدٸ, دەپ حابارلايدى "ۇلت اقپارات".
«مىقتىنى ۇتساڭ عانا مىقتى بولاسىڭ. مىقتىنى جەڭگەندە عانا چەمپيوندىق بەلبەۋگە جاقىندايسىڭ. ماعان رينگتە ەلسٸزدەردٸڭ كەرەگٸ جوق. 3 قاراشا كٷنٸ 13 جەكپە-جەگٸنٸڭ 12-ٸن ۇتقان, تەك 1 عانا جەكپە-جەگٸندە تٶرەشٸلەردٸڭ شەشٸمٸمەن ۇتىلعان ۆان الەكساندرمەن جۇدىرىقتاسامىن. قازاق بوكس ستيلٸن 3 قاراشادا ەلەم جانكٷيەرلەرٸنە كٶرسەتەمٸز», - دەپ جازدى جەنٸبەك ەلٸمحانۇلى ٶزٸنٸڭ ينستاگرام پاراقشاسىندا.
ايتا كەتكەن جٶن, 29 قىركٷيەكتە جەنٸبەك ەلٸمحانۇلى (2-0, 1 كو) كەسٸپقوي بوكس رينگٸندەگٸ ٶزٸنٸڭ ٷشٸنشٸ جەكپە-جەگٸن جەڭٸسپەن اياقتاعان بولاتىن. اقش-تىڭ كاليفورنييا شتاتىنداعى وكلەند قالاسىندا كولۋمبييالىق كارلوس گالۆانمەن (16-7-1, 15 كو) كەزدەسۋدە وتانداسىمىز تٶرەشٸلەردٸڭ شەشٸمٸمەن جەڭٸسكە جەتكەن ەدٸ.
