Qazaqstandyq kásipqoi boksshy Jánibek Álimhanuly kezekti jekpe-jegi týraly aitty, dep habarlaidy "Ult aqparat".
Boksshynyń aldaǵy jekpe-jegi 17 tamyzda AQSh-tyń Los-Andjeles qalasynda ótedi.
«Jekpe-jek ýaqyty belgili boldy. Qazaq stilin taǵy bir kórsetetin sát týdy. Qarsylas osy aptada anyqtalady. Jeńiste júzdeseiik!», - dep jazady Jánibek Álimhanuly óziniń Instagram paraqshasynda.
Eske sala ketsek, 13 sáýirde qazaqstandyq boksshy Jánibek Álimhanuly (4-0, 1 KO) alǵashqy titýldyq aiqasyn ótkizgen bolatyn. AQSh-tyń Los-Andjeles qalasynda bolǵan jekpe-jekte ol Kristian Olivaspen (16-4, 13 KO) judyryqtasyp, jeńiske jetti. Qazaqstandyq boksshy orta salmaqtaǵy WBO Global jáne WBC Continental Americas belbeýlerin ielendi.
Sondai-aq, birden eki beldik ielengen Jánibek Álimhanulynyń reitingi joǵarylady.
