Qazaqstandyq kásipqoi boksshy Jánibek Álimhanuly (7-0, 3 KO) 9 qarashada ótetin aiqasy burynǵydan ózgerek bolatynyna ýáde berdi, dep habarlaidy "Ult aqparat".
«Bul jekpe-jek burynǵydan ózgerek bolady. Biz daiynbyz! Buiyrtsa, ózderińiz kútkennen de qyzyq jekpe-jek tamashalaisyzdar! Maǵan senim artyp, qoldap, jyly pikir jazyp jatqandaryńyzǵa kóp rahmet. Sizder bolyp, biz bolyp áli álemdi shýlatamyz. Biz QAZAQ STYLE-dy tarihta qaldyramyz», - dep jazdy Jánibek Álimhanuly Instagram-paraqshasynda.
Eske sala ketsek, Jánibek Álimhanuly kezekti jekpe-jegin 39 jastaǵy kanadalyq boksshy Albert Onolýnosqa qarsy ótkizetini buǵan deiin habarlanǵan bolatyn. 26 jastaǵy qazaqstandyq boksshy óziniń orta salmaqtaǵy WBC Continental Americas titýlyn 9 qarashada Fresno qalasynda (Kaliforniia, AQSh) qorǵaidy.
Ol sońǵy jekpe-jegin 17 tamyzda Los-Andjeleste ótkizdi. Besinshi raýndta kanadalyq Stiýart MakLellandy nokaýtqa jiberip, WBC Continental America jáne WBO Global ortasha salmaq dárejesin qorǵaǵan bolatyn.
