قازاقستاندىق كەسٸپقوي بوكسشى جەنٸبەك ەلٸمحانۇلى (7-0, 3 كو) 9 قاراشادا ٶتەتٸن ايقاسى بۇرىنعىدان ٶزگەرەك بولاتىنىنا ۋەدە بەردٸ, دەپ حابارلايدى "ۇلت اقپارات".
«بۇل جەكپە-جەك بۇرىنعىدان ٶزگەرەك بولادى. بٸز دايىنبىز! بۇيىرتسا, ٶزدەرٸڭٸز كٷتكەننەن دە قىزىق جەكپە-جەك تاماشالايسىزدار! ماعان سەنٸم ارتىپ, قولداپ, جىلى پٸكٸر جازىپ جاتقاندارىڭىزعا كٶپ راحمەت. سٸزدەر بولىپ, بٸز بولىپ ەلٸ ەلەمدٸ شۋلاتامىز. بٸز QAZAQ STYLE-دى تاريحتا قالدىرامىز», - دەپ جازدى جەنٸبەك ەلٸمحانۇلى Instagram-پاراقشاسىندا.
ەسكە سالا كەتسەك, جەنٸبەك ەلٸمحانۇلى كەزەكتٸ جەكپە-جەگٸن 39 جاستاعى كانادالىق بوكسشى البەرت ونولۋنوسقا قارسى ٶتكٸزەتٸنٸ بۇعان دەيٸن حابارلانعان بولاتىن. 26 جاستاعى قازاقستاندىق بوكسشى ٶزٸنٸڭ ورتا سالماقتاعى WBC Continental Americas تيتۋلىن 9 قاراشادا فرەسنو قالاسىندا (كاليفورنييا, اقش) قورعايدى.
ول سوڭعى جەكپە-جەگٸن 17 تامىزدا لوس-اندجەلەستە ٶتكٸزدٸ. بەسٸنشٸ راۋندتا كانادالىق ستيۋارت ماكلەللاندى نوكاۋتقا جٸبەرٸپ, WBC Continental America جەنە WBO Global ورتاشا سالماق دەرەجەسٸن قورعاعان بولاتىن.
