Qazaqstandyq boksshy Jánibek Álimhanuly (2-0, 1 KO) kásipqoi boks ringindegi óziniń úshinshi jekpe-jegin jeńispen aiaqtady, dep habarlaidy "Ult aqparat".
Ol keshe AQSh-tyń Kaliforniia shtatyndaǵy Oklend qalasynda kolýmbiialyq Karlos Galvanmen (16-7-1, 15 KO) kezdesti. Jekpe-jek tóreshilerdiń sheshimimen Jánibek Álimhanulynyń jeńisimen aiaqtaldy. Olardyń barlyǵy biraýyzdan 60:54 upai berdi. Osylaisha endi ol kásipqoi boksta úsh ret jeńimpaz atanǵan boksshylardyń qataryna endi. Al Galvan óz mansabynda segizinshi ret jeńilip otyr.
Aita ketý kerek, Jánibektiń kelesi kezdesýi josparlanyp qoiǵan - ol 3 qarasha kúni AQSh-tyń Tehas shtatyndaǵy El-Paso qalasynda amerikalyq Von Aleksandermen (12-1, 8 KO) aiqasady. Bul boksshy óziniń qylmystyq ómirbaianymen tanymal. Von Aleksander qarý kezenip, kisi tonaǵany úshin 11 jyl boiy túrmede otyryp shyqqan.
