قازاقستاندىق بوكسشى جەنٸبەك ەلٸمحانۇلى (2-0, 1 كو) كەسٸپقوي بوكس رينگٸندەگٸ ٶزٸنٸڭ ٷشٸنشٸ جەكپە-جەگٸن جەڭٸسپەن اياقتادى, دەپ حابارلايدى "ۇلت اقپارات".
ول كەشە اقش-تىڭ كاليفورنييا شتاتىنداعى وكلەند قالاسىندا كولۋمبييالىق كارلوس گالۆانمەن (16-7-1, 15 كو) كەزدەستٸ. جەكپە-جەك تٶرەشٸلەردٸڭ شەشٸمٸمەن جەنٸبەك ەلٸمحانۇلىنىڭ جەڭٸسٸمەن اياقتالدى. ولاردىڭ بارلىعى بٸراۋىزدان 60:54 ۇپاي بەردٸ. وسىلايشا ەندٸ ول كەسٸپقوي بوكستا ٷش رەت جەڭٸمپاز اتانعان بوكسشىلاردىڭ قاتارىنا ەندٸ. ال گالۆان ٶز مانسابىندا سەگٸزٸنشٸ رەت جەڭٸلٸپ وتىر.
ايتا كەتۋ كەرەك, جەنٸبەكتٸڭ كەلەسٸ كەزدەسۋٸ جوسپارلانىپ قويعان - ول 3 قاراشا كٷنٸ اقش-تىڭ تەحاس شتاتىنداعى ەل-پاسو قالاسىندا امەريكالىق ۆون الەكساندەرمەن (12-1, 8 كو) ايقاسادى. بۇل بوكسشى ٶزٸنٸڭ قىلمىستىق ٶمٸربايانىمەن تانىمال. ۆون الەكساندەر قارۋ كەزەنٸپ, كٸسٸ توناعانى ٷشٸن 11 جىل بويى تٷرمەدە وتىرىپ شىققان.
