Qazaqstandyq boksshy Jánibek Álimhanuly kásipqoi boksqa aýysty, dep habarlaidy sputniknews.kz Prosports.kz portalyna silteme jasap.
25 jastaǵy boksshy qańtar aiynda Qazaqstan quramasynyń sapynan ketip, karerasynda ýaqytsha úzilis jasaǵan bolatyn. Tipti, keibir BAQ ókilderi Jánibektiń bokstan birjolǵa ketetinin jazǵan bolatyn.
Alaida búgin belgili bolǵandai Jánibek Álimhanuly birjola kásipqoi boksqa aýysty.
Aita keteiik, Jánibek Álimhanuly Qazaqstannyń bes dúrkin chempiony. Sondai-aq, Aziia birinshiligi men Álem chempionatynyń altyn júldegeri, Aziia oiyndarynda top jarǵan.
Kásipqoi bokstaǵy alǵashqy jekpe-jegin 2016 jyly Almatyda ótken úlken kásipqoi boks keshinde ótkizip, debiýttik kezdesýinde-aq tájiribeli ári Gennadii Golovkinniń burynǵy qarsylasy Milton Nýnesti alǵashqy raýndta nokaýtqa jiberdi. Álimhanuly kásipqoi bokstaǵy ekinshi kezdesýin Islam-Kýk arasyndaǵy jekpe-jektiń anderkartynda ótkizdi. Otandasymyz braziialyq Jilbertý Pereira dos Santosty (14-5-0) tóreshiler sheshimi boiynsha jeńdi.
