Qazaqstandyq kásipqoi boksshy Jánibek Álimhanuly (9-0, 5 KO) Saýl «Kanelo» Alvaresti taǵy da jekpe-jekke shaqyrdy, dep habarlaidy "Ult aqparat" boksshynyń tvitterine silteme jasap.
Óz tvitterinde qazaqstandyq boksshy «Kanelony» esh qinalmai jeńetini týraly aitty.
«Eger siz Kanelony eshkim jeńe almaidy dep oilasańyz, onda siz qatty qatelesesiz. Men ony op-ońai jeńe alamyn. 2021 jyldy QAZAQ style vs MEXICAN STYLE jasaiyq», – dedi Álimhanuly.
Eske sala keteiik, buǵan deiin qazaqstandyq boksshy «Álemge jańa chempion, jańadan kóretin boksshy kerek!» dep málimdeme jasaǵan edi. Ol ortasha diviziondaǵy basqa chempiondar Djermall Charlo, Saýl «Kanelo» Alvares jánen Demetriýs Andradege birneshe ret úndeý jibergen.
Jánibek Álimhanuly orta salmaqtaǵy WBO Global chempiony. Sońǵy jekpe-jegin qyrkúiek aiynda ótkizgen. Ol kezde argentinalyq boksshy Gonsalo Koriiany (16-4, 6 KO) ekinshi raýndta nokaýtqa túsirdi.
