قازاقستاندىق كەسٸپقوي بوكسشى جەنٸبەك ەلٸمحانۇلى (9-0, 5 كو) ساۋل «كانەلو» الۆارەستٸ تاعى دا جەكپە-جەككە شاقىردى, دەپ حابارلايدى "ۇلت اقپارات" بوكسشىنىڭ تۆيتتەرٸنە سٸلتەمە جاساپ.
ٶز تۆيتتەرٸندە قازاقستاندىق بوكسشى «كانەلونى» ەش قينالماي جەڭەتٸنٸ تۋرالى ايتتى.
«ەگەر سٸز كانەلونى ەشكٸم جەڭە المايدى دەپ ويلاساڭىز, وندا سٸز قاتتى قاتەلەسەسٸز. مەن ونى وپ-وڭاي جەڭە الامىن. 2021 جىلدى QAZAQ style vs MEXICAN STYLE جاسايىق», – دەدٸ ەلٸمحانۇلى.
ەسكە سالا كەتەيٸك, بۇعان دەيٸن قازاقستاندىق بوكسشى «ەلەمگە جاڭا چەمپيون, جاڭادان كٶرەتٸن بوكسشى كەرەك!» دەپ مەلٸمدەمە جاساعان ەدٸ. ول ورتاشا ديۆيزيونداعى باسقا چەمپيوندار دجەرمالل چارلو, ساۋل «كانەلو» الۆارەس جەنەن دەمەتريۋس اندرادەگە بٸرنەشە رەت ٷندەۋ جٸبەرگەن.
جەنٸبەك ەلٸمحانۇلى ورتا سالماقتاعى WBO Global چەمپيونى. سوڭعى جەكپە-جەگٸن قىركٷيەك ايىندا ٶتكٸزگەن. ول كەزدە ارگەنتينالىق بوكسشى گونسالو كورييانى (16-4, 6 كو) ەكٸنشٸ راۋندتا نوكاۋتقا تٷسٸردٸ.
