Qazaqstandyq boksshy Jánibek Álimhanuly (11-0, 7 KO) Transulttyq boks reitingi keńesiniń (TBRB) tujyrymy boiynsha orta salmaqtaǵy eń úzdik boksshylar tiziminde pozitsiiasyn jaqsartty, dep habarlaidy QazAqparat Sports.kz-ke silteme jasap.
Álimhanuly 21 qarashada Las-Vegasta (AQSh) burynǵy álem chempiony frantsiialyq Hassan Ndam Njikamdy (38-6, 21 KO) tehnikalyq nokaýtpen jeńip, orta salmaqtaǵy WBO Global chempiondyq titýlyn qorǵap qalǵan bolatyn.
Qazaqstan boksshysy osy jeńisi arqyly ýkrainalyq Sergei Derevianchenkony TBRB reitinginde besinshi orynnan syrǵytty. Bul tizimde birinshi orynda IBF/IBO álem chempiony Gennadii Golovkin (41-1-1, 36 KO) tur.
TBRB reitingindegi orta salmaqtaǵy boksshylar tizimi:
1. Gennadii Golovkin;
2. Djermall Charlo;
3. Demetriýs Andrade;
4. Haime Mýngiia;
5. Jánibek Álimhanuly;
6. Sergei Derevianchenko;
7. Kishi Kris Iýbenk;
8. Matsei Sýleski;
9. Liam Ýiliams;
10. Feliks Kesh.
