Qazaqstandyq boksshy Jánibek Álimhanuly jańa salmaqqa aýysady. Bul týraly Vesti.kz portalyna silteme jasap BAQ.kz tilshisi habarlaidy.
Jánibek 75 keli salmaq dárejesinde álem jáne Aziia chempiony atandy. Aziia oiyndarynda jeńiske jetti. Rio Olimpiadasyna qatysty. Endi ol 81 kelige aýysady. Bul salmaqta eki dúrkin Olimpiada oiyndarynyń kúmis júldegeri Ádilbek Niiazymbetov bar.
Qazaqstan ulttyq quramasynyń bas bapkeri Myrzaǵali Aitjanovtyń aitýynsha, boksshynyń jańa salmaqtaǵy debiýti qarasha aiynda bolady. Ol Pavlodarda ótetin Qazaqstan chempionatyna qatysady eken.
«Rio Olimpiadasynda Jánibekke júldege úmitker boldy. Biraq buiyrmady. Bizge, árine, óte ókinishti. Biz Braziliiadan budan da kóp medal ákelýge shamamyz jetetin. Shynymen de Qairat Eraliev, Oljas Sáttibaev, Jánibek Álimhanuly jaqsy formada boldy. Endi olar qazir ózderin kásipqoi bokstan synap kórgileri keledi. Jánibek maǵan jeke habarlasyp ruqsat surady. 29 qazan kúni Qanat Islamnyń jekpe-jeginiń anderkardynda óner kórsetedi. Men óz kelisimimdi berdim. Degenmen Pavlodardaǵy el chempionatyna ol qatysady. Álimhanuly qazir Astanadaǵy oqý-jattyǵý jiyndarynan bosatyldy. Biraq kásipqoi ringtegi jekpe-jeginen keiin quramaǵa oralyp, el chempionatyna qatysady», – deidi Myrzaǵali Aitjanov.
