Orta salmaqtaǵy qazaqstandyq boksshy Jánibek Álimhanuly (5-0, 2 KO) 12 sáýirde qos birdei belbeý úshin judyryqtasady, dep habarlaidy "Ult aqparat" sportshynyń PR-menedjeri Berik Sultanǵa silteme jasap.
Bul kezdesý - qazaqstandyq sportshynyń kásipqoi bokstaǵy altynshy jekpe-jegi bolmaq.
«Jánibek Álimhanuly 12 sáýirde Los Anjeleste WBO Global jáne WBC Continental Americas chempiondyq belbeýi úshin 10 raýndttyq jekpe-jek ótkizedi. Jánibektiń qarsylasy - kásipqoi boksta 20 jekpe-jek ótkizip, onyń 16-ynda jeńgen, qulamaǵan tájiribeli meksikalyq Kristian Ollivas. Bul - biz úshin óte jaýapty jekpe-jek. Osy shoýdan soń Qazaq boks stili álemge keńinen tanylady», - dep jazdy Berik Sultan Facebook jelisinde.
Aita keteiik, 12 sáýirdegi basty jekpe-jek ýkrainalyq Vasilii Lomachenko (12-1, 9 KO) men britandyq Entoni Krolla (34-6-3, 13 KO) arasynda ótedi. V. Lomachenko jeńil salmaqtaǵy WBA jáne WBO belbeýlerin qorǵaidy.
