Elbasynyń «Bolashaqqa baǵdar: rýhani jańǵyrý» baǵdarlamalyq maqalasynda aitylǵandai, elimizde kásipkerlerdiń qaiyrymdylyq is-sharalar ótkizýi, onyń ishinde ózderiniń týǵan aýyly úshin paidaly isterge atsalysýy jandanyp keledi. Osynaý igi isterdiń júzege asýyn úilestirip otyrǵan «Atameken» kishi baǵdarlamasy boiynsha da birqatar jumystar júrgizildi. «Atameken» kishi baǵdarlamasy «Áleýmettik bastamalar kartasy» jáne «Jomart júrek» bazalyq jobalary arqyly júzege asyrylady. Búginde Ońtústik Qazaqstan oblysynda 10 joba jarǵysy men 12 is-shara pasporty jasaqtalyp, iske asyrylýda.
Endi ár joba men is-sharaǵa jeke-jeke toqtalsaq:
«Demeýshiler tarapynan áleýmettik qoldaý» jobasynyń maqsaty – oblys aýmaǵyndaǵy ózekti máselelerdi sheshý úshin azamattardyń demeýshiligimen áleýmettik jobalardy iske asyrý. Oblystyń qala, aýdandarynda jalpy quny 30,3 mlrd. teńgeni quraityn 529 joba boiynsha jumystar júrgizilýde. Búgingi tańda quny 785 mln. teńgeni quraityn 96 joba aiaqtalyp, halyq igiligine berilip otyr.
Respýblikalyq interaktivti platformaǵa oblysymyzdyń 20 áleýmettik jobasy engizilgen. Olardyń qatarynda Qazyǵurt aýdanynyń Qazyǵurt aýylyndaǵy stadion qurylysy, Sharaphana aýylyndaǵy «Jastar saiabaǵy», Otyrar aýdany, Bestorańǵyl aýylyndaǵy «Alash» etnoaýyly, Shymkent qalasyndaǵy 110 oryndy arnaýly korrektsiialyq bóbekjai-balabaqshasy, Arys qalasyndaǵy akvapark qurylysy jáne taǵy basqalary endi.
Platforma týraly aqparatty Ruh.kz internet-portalynan alýǵa bolady. Platformada «Týǵan jer» jobasyn tańdap «Áleýmettik jobalar» kartasynan 7-shi aimaq, iaǵni, Ońtústik Qazaqstan oblysyn tańdaý qajet. Kartadaǵy jobalar 3 túspen belgilengen: jasyl – aiaqtalǵan joba, sary – iske asyrylyp jatqan joba, qyzyl – bastalmaǵan joba. Aldaǵy ýaqytta (2018 jyldan bastap) atalǵan interaktivti platformaǵa azamattyq bastamalardy qosý qolǵa alynady, iaǵni, árbir qazaqstandyq óz ideiasyn usynyp, týǵan ólkesin, kishi Otanyn damytýǵa úles qosýyna oi-pikirlerin bildirýge múmkindik jasalady. Ol úshin portalda avtorizatsiiadan ótý qajet.
«Senimdi bolashaq» jobasynyń maqsaty – turǵyndardy ziiandy ádetterge áýestikten aryltý, tazalyq jáne kógaldandyrý jumystaryn júielendirý, úiirme jumystaryn jandandyrý, qoǵamdyq negizde jastar klýbtary men stýdentter jasaqtaryn qurý arqyly jastardyń bos ýaqytyn tiimdi paidalaný múmkindikterin ulǵaitý, qaiyrymdylyq jasaý arqyly muqtaj adamdarǵa qol ushyn sozý, halyqtyń áleýmettik-turmystyq jaǵdaiyn kóterý.
Jobany iske asyrý úshin oblystyq jastar saiasaty máseleleri jónindegi basqarmanyń uiymdastyrýymen «Aimaqtardy kógaldandyrý jáne abattandyrý», «Biz ziiandy ádetterden aýlaqpyz!» sekildi aktsiialar ótkizildi.
«Eriktiler korpýsy» jobasynyń maqsaty – jastardy qoǵamǵa paidaly eńbekke yntalandyrý, olardyń dúnietanymyn keńeitý, jastardy ár óńirdiń tynys-tirshiligin, salt-dástúrin zertteýge tartý, olardy kieli jerlermen tanystyrý, sondai-aq, muqtaj azamattarǵa kómek kórsetý.
Qazirgi tańda aýdan, qalalardaǵy eriktiler korpýsy 850 jasty qamtidy. Olar qoǵamǵa paidaly ister jasaýǵa jumyldyrylyp, baǵdarlamany nasihattaý, muqtaj adamdarǵa járdem berý maqsatynda túrli is-sharalar, aktsiialar ótkizýde.
«Tabysqa aparar jol» jobasynyń maqsaty – óńirdiń ekonomikalyq damý deńgeiin arttyrý, tabysty azamattardyń eńbekterin nasihattaý, jastardy jaýapkershilikke úiretý jáne belsendi jumys isteýge baǵyttaý, biznesmenderde metsenattyq daǵdylardy qalyptastyrý jáne damytý. Aǵymdaǵy jyldyń 1 qarashasyna deiin óńirlerde 50-den asa tabysty azamatpen (kásipkerlermen, biznesmendermen, sharýa-fermerlermen) kezdesýler men sheberlik-synyptary ótkizildi. Jeltoqsannyń alǵashqy onkúndiginde osy jobaǵa belsene atsalysqan azamattardy árbir aýdan, qalada marapattaý rásimi josparlanǵan.
«Aialy alaqan» jobasynyń maqsaty – jetim, ata-anasynyń qamqorlyǵynsyz qalǵan balalar men múmkindigi shekteýli balalardyń muqtajdyqtaryn túrli kópshilik is-sharalar arqyly qamtamasyz etý.
«Balalar – bizdiń bolashaǵymyz!» aktsiiasynyń nátijesinde múmkindigi shekteýli 100-den asa bala qajetti buiymdarmen qamtamasyz etildi. Joba sheńberindegi is-sharalar barlyq qala, aýdandarda júrgizilip, elimizdiń bolashaǵy sanalatyn jastardyń áleýmettik jaǵdaiyn túzetýge baǵyttalǵan ister qolǵa alynǵan. Ásirese, qazan aiyndaǵy qarttar kúni, múgedekter kúni qarsańynda is-sharalar kóptep uiymdastyrylyp, demeýshiler esebinen áleýmettik qoldaý kórsetildi. Qazirgi tańda oblystyq mádeniet basqarmasynyń uiymdastyrýymen óńirlerde qaiyrymdylyq kontsertteri ótkizilýde.
«Bilimge bastar jol» jobasynyń maqsaty – jetim jáne ata-anasynyń qamqorlyǵynsyz qalǵan balalar úileriniń túlekterine, az qamtylǵan otbasylardan shyqqan balalardyń joǵary oqý oryndary men kolledjderde eńbek naryǵynda suranysqa ie mamandyqtar boiynsha tegin bilim alýlaryna múmkindik berý. Ol úshin osyndai stýdentterdiń oqý aqysyn tóleýge járdem berý úshin biznes-qurylym ókilderi men jeke tulǵalardy tartý.
Biyl tamyz aiynda «Bilimge bastar jol» jobasyn iske asyrý nátijesinde Ordabasy, Saryaǵash, Tólebi aýdandarynyń 20 azamaty joǵary oqý oryndary men kolledjderde tegin bilim alýǵa múmkindik aldy.
«Kásipkerlik mektebi» jobasynyń sheńberinde «Jas kásipkerler» baiqaýy ótkizilýde. Onyń maqsaty – turǵyndardyń óz óńirlerine degen súiispenshilikterin arttyrý, óńirdiń damýyna úles qosýǵa yntalandyrý, kásipkerlikpen ainalysatyn jastardyń úlesin ulǵaitý, óńirdi damytýǵa arnalǵan jobalardy iske asyrý, usynylǵan jobalar negizinde eldi mekenderde jumyssyzdyq deńgeiin tómendetý, úzdik jas kásipkerlerdi madaqtaý, marapattaý, jetistikterin dáripteý. Otandyq óndiristi damytý, kásipkerlikpen ainalysatyn jastardyń úlesin ulǵaityp, óńirdiń damýyna úles qosýǵa yntalandyrý maqsatynda ótkiziletin bul baiqaý aǵymdaǵy jyly qarasha-jeltoqsan ailaryna josparlanǵan. Birinshi, iaǵni, aýdan, qalalyq kezeńi 20-30 qarasha aralyǵynda árbir aimaqta ótkizilip, jeńimpazdar oblystyq kezeńde jeltoqsan aiynda baq synaityn bolady. Árbir nominatsiia boiynsha jeńimpazdar kásipkerler tarapynan bilim berý granttaryna qol jetkize alady.
«Týǵan jerdi túletý – perzenttik paryz» jyl saiynǵy óńir týmalarynyń sleti» is-sharasynyń maqsaty – týǵan ólkege degen súiispenshilikti arttyrý, Ońtústik óńiri týmalarynyń basqosýyn uiymdastyrý. Bul basqosýda pikir almasý, óńirde sheshimin tappai júrgen ózekti máselelerdi talqylaý, sol arqyly eldi mekenderdi damytýdy qolǵa alý kózdelgen.
Osy óńirden túlep ushqan azamattar men jergilikti turǵyndardyń óńirdi órkendetý jolyndaǵy iske asyrylǵan jobalardy tanystyrý men nasihattaý, Ońtústik óńiri týmalarynyń basqosýyn uiymdastyrý, pikir almasý maqsatynda «Týǵan jerdi túletý – perzenttik paryz!» II óńir týmalarynyń sleti» is-sharasyn aǵymdaǵy jyldyń jeltoqsan aiynda oblystyq deńgeide ótkizý josparlanyp otyr, tiisti basqarmalarǵa jobalyq tapsyrma berilgen.
«Ońtústik – qut mekeni!» jyl saiynǵy forýmy» is-sharasynyń maqsaty – halyq pen biznes-qurylymdardy qaiyrymdylyq jasaýǵa yntalandyrý, týǵan ólkege degen súiispenshilikti arttyrý, jastardy týǵan óńirdiń damýyna úles qosýǵa shaqyrý, eńbegi erekshelengen metsenattar men demeýshilerdi, belsendi eriktilerdi marapattaý, BAQ quraldary men áleýmettik jeliler arqyly atqarylǵan jumystar boiynsha halyqty aqparattandyrý. Atalǵan forýmdy árbir aýdan, qalada ótkizý jeltoqsan aiynyń alǵashqy jartysyna josparlanǵan.
«Altyn uia» jobasynyń maqsaty – týǵan ólkege súiispenshilikti arttyrý, azamattardy qaiyrymdylyq jasaýǵa yntalandyrý, óńirdegi oqý oryndarynyń materialdyq-tehnikalyq bazalaryn jańǵyrtý. Bul joba «Demeýshiler tarapynan áleýmettik qoldaý» jobasymen qatar júrgiziledi. Iaǵni, bala-baqshalarǵa, mektepterge, kolledjderge jáne joǵary oqý oryndaryna sol mekemelerdiń túlekteri demeýshilik tanytyp, materialdyq-tehnikalyq bazasyn jańǵyrtý boiynsha birshama jumystar atqarady.
Joǵaryda atalǵan jumystar 2022 jylǵa deiin jalǵasyn tabady. Sondyqtan Elbasynyń saiasatyn iske asyrý jolynda áli de atqarylar ister kóp. Toqsan aýyz sózdiń tobyqtai túiini, osynaý igi sharalarǵa árbir adam, tipti tutas qoǵam bolyp atsalysýymyz qajet. Sonda ǵana qolǵa alǵan isimiz óz nátijesin berip, jańǵyrý jasampazdyqqa ainalady.
Aigúl RÚSTEMOVA,
«Atameken» kishi baǵdarlamasynyń menedjeri.
"Ońtústik Qazaqstan"
