Eýraziialyq ekonomikalyq odaq elderine taýar eksporttaityn qazaqstandyq jetkizýshilerdiń basym bóligi – shaǵyn jáne orta biznes ókilderi. Bul týraly Saýda jáne integratsiia vitse-ministri Janel Kýshýkova aitty, dep habarlaidy QazAqparat.
«EAEO naryqtarynaǵy negizgi qazaqstandyq jetkizýshiler – shaǵyn jáne orta biznes kásiporyndary. Qazaqstannyń Tuńǵysh Prezidenti – Elbasy 2050 jylǵa qarai ShOB-tyń JIÓ-degi úlesin 50%-ǵa deiin jetkizýdi strategiialyq maqsat etip qoiǵan edi. Búginde ShOB-ty damytý – Úkimettiń negizgi tapsyrmalarynyń biri. Biz de Eýraziialyq odaq jumysy aiasynda ýaǵdalasqan sharalarǵa osy mindetterdi qosamyz», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, ótken jyly EAEO-nyń taiaý jyldarǵa arnalǵan damý strategiiasyn talqylaý kezinde birlesken ónerkásiptik kásiporyndar qurýǵa jáne múshe memleketterdiń ónerkásiptik sýbektileri arasyndaǵy bailanystardy nyǵaitýǵa, EAEO naryǵyndaǵy kedergilerdi joiyp, ózara saýda kólemin ulǵaitýǵa mán berilgen.
«EAEO iske qosylǵan 2015 jyldan beri odaq elderiniń qatysymen ashylǵan birlesken kásiporyndar sany 6272-den 13 503-ke deiin eki ese ósti. Biz ónerkásiptik kooperatsiiany tereńdetýdi – EAEO-ny 2025 jylǵa deiin damytýdyń ortalyq elementi dep sanaimyz. 21 mamyrda ótetin Joǵary Eýraziialyq ekonomikalyq keńeste bizdiń prezidentter ónerkásiptik yntymaqtastyqtyń negizgi baǵyttaryn qarastyrady. Eýraziialyq ekonomikalyq odaqtyń barlyq qatysýshylary ónerkásiptik yntymaqtastyqty taýarlardyń eksporttyq jelisin sapaly jaqsartý quraldarynyń biri retinde baǵalaidy», - deidi J. Kýshýkova.
