ەۋرازييالىق ەكونوميكالىق وداق ەلدەرٸنە تاۋار ەكسپورتتايتىن قازاقستاندىق جەتكٸزۋشٸلەردٸڭ باسىم بٶلٸگٸ – شاعىن جەنە ورتا بيزنەس ٶكٸلدەرٸ. بۇل تۋرالى ساۋدا جەنە ينتەگراتسييا ۆيتسە-مينيسترٸ جانەل كۋشۋكوۆا ايتتى, دەپ حابارلايدى قازاقپارات.
«ەاەو نارىقتارىناعى نەگٸزگٸ قازاقستاندىق جەتكٸزۋشٸلەر – شاعىن جەنە ورتا بيزنەس كەسٸپورىندارى. قازاقستاننىڭ تۇڭعىش پرەزيدەنتٸ – ەلباسى 2050 جىلعا قاراي شوب-تىڭ جٸٶ-دەگٸ ٷلەسٸن 50%-عا دەيٸن جەتكٸزۋدٸ ستراتەگييالىق ماقسات ەتٸپ قويعان ەدٸ. بٷگٸندە شوب-تى دامىتۋ – ٷكٸمەتتٸڭ نەگٸزگٸ تاپسىرمالارىنىڭ بٸرٸ. بٸز دە ەۋرازييالىق وداق جۇمىسى اياسىندا ۋاعدالاسقان شارالارعا وسى مٸندەتتەردٸ قوسامىز», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, ٶتكەن جىلى ەاەو-نىڭ تاياۋ جىلدارعا ارنالعان دامۋ ستراتەگيياسىن تالقىلاۋ كەزٸندە بٸرلەسكەن ٶنەركەسٸپتٸك كەسٸپورىندار قۇرۋعا جەنە مٷشە مەملەكەتتەردٸڭ ٶنەركەسٸپتٸك سۋبەكتٸلەرٸ اراسىنداعى بايلانىستاردى نىعايتۋعا, ەاەو نارىعىنداعى كەدەرگٸلەردٸ جويىپ, ٶزارا ساۋدا كٶلەمٸن ۇلعايتۋعا مەن بەرٸلگەن.
«ەاەو ٸسكە قوسىلعان 2015 جىلدان بەرٸ وداق ەلدەرٸنٸڭ قاتىسىمەن اشىلعان بٸرلەسكەن كەسٸپورىندار سانى 6272-دەن 13 503-كە دەيٸن ەكٸ ەسە ٶستٸ. بٸز ٶنەركەسٸپتٸك كووپەراتسييانى تەرەڭدەتۋدٸ – ەاەو-نى 2025 جىلعا دەيٸن دامىتۋدىڭ ورتالىق ەلەمەنتٸ دەپ سانايمىز. 21 مامىردا ٶتەتٸن جوعارى ەۋرازييالىق ەكونوميكالىق كەڭەستە بٸزدٸڭ پرەزيدەنتتەر ٶنەركەسٸپتٸك ىنتىماقتاستىقتىڭ نەگٸزگٸ باعىتتارىن قاراستىرادى. ەۋرازييالىق ەكونوميكالىق وداقتىڭ بارلىق قاتىسۋشىلارى ٶنەركەسٸپتٸك ىنتىماقتاستىقتى تاۋارلاردىڭ ەكسپورتتىق جەلٸسٸن ساپالى جاقسارتۋ قۇرالدارىنىڭ بٸرٸ رەتٸندە باعالايدى», - دەيدٸ ج. كۋشۋكوۆا.
