Almaty qalasynyń bas sanitar dárigeri Jandarbek Bekshin QR-kod júiesin pilottyq rejimde paidalanatyn birqatar nysandy aralady, dep habarlaidy "Ult aqparat".
Almatyda QR-kod júiesin 27 kásipkerlik nysan engizdi. Onyń arasynda qoǵamdyq tamaqtaný oryndary, fitnes-ortalyqtar, saýnalar, monshalar taǵy basqalary bar.
«Ashyq» qosymshasynyń artyqshylyǵyn paidalanǵan alǵashqy kásipkerlerdiń biri - «Qazaqstan» sport kesheniniń direktory Aidana Satova.
Kásipker óz nysany úshin QR-kodty aqpan aiynyń ortasynda aldy.
Onyń aitýynsha, 5 myń turaqty klienti bar jáne onyń ekeýi ǵana qosymshaǵa kúmánmen qaraǵan.
«Biz óz klientterimizben sóilesemiz, olardyń densaýlyǵy mańyzdy. Kóp adam «siz basseinge kelýshilerdi qalai basqarasyz?» dep ózi suraidy. Shynynda da, biz júzgishterdi belgili bir jerde ustai almaimyz, al «Ashyq» qosymshasynyń arqasynda keshen qyzmetkerleri men kelýshiler óz qaýipsizdigi úshin tynysh bola alady», - deidi Aidana Satova.
Almatynyń bas sanitariia dárigeri Jandarbek Bekshin qosymshany paidalanatyn nysandardy aralap shyqty.
Sonymen qatar, ol tekserýge birneshe sekýnd ýaqyt ketetinin atap ótti. Smartfondy QR-kodqa júktelgen qosymshamen alyp, skanerleý jáne kirý jetkilikti.
«Ekranda statýstyń kúileri kórsetiledi (kók, jasyl, qyzyl nemese sary). Shyǵý kezinde- shyǵýdy bekitý úshin QR kodyn skanerleý kerek. Sonymen qatar, bul qosymsha mekemeniń jumys rejimin baqylaý úshin yńǵaily. Qosymsha mekemedegi bir mezgilde kelýshilerdiń sanyn jáne onyń jumys saǵattaryn taldaýǵa (iesizdendirýge) múmkindik beredi. Osylaisha, monitoringtik tekserýler júrgizý qajettiligi azaiady», - deidi Jandarbek Muhtaruly.
Aita keteiik, «Ashyq» mobildik qosymshasy QR-kodty paidalaný jáne PTR ortaq bazasymen integratsiialaý arqyly kelýshiniń mártebesin anyqtaýǵa, iaǵni koronavirýs tasymaldaýshy ma, joq pa degen saýaldy naqtylaýǵa múmkindik beredi.
