Almaty qalasy sanitarlyq-epidemiologiialyq baqylaý departamentiniń basshysy Jandarbek Bekshin megapoliste 20-39 jas aralyǵyndaǵy adamdardyń koronavirýs infektsiiasyn juqtyrýy jiilep ketkenin jetkizdi, dep habarlaidy QazAqparat.
Onyń aitýynsha, halyqtyń bul sanatynyń vaktsinalaný belsendiligi tómen jáne olar karantin rejimin jii buzady.
«Epidemiologiialyq zertteý nátijeleri boiynsha 20-39 jas aralyǵyndaǵy azamattarda qaýipti indetti juqtyrý 31,2%, 40-59 jastaǵylarda 24%, 60 jastan asqan qart adamdarda 23%. Infektsiia juqtyratyn negizgi oryndar burynǵysha saýda obektileri - 34%, otbasylyq bailanys - 19,5%, qoǵamdyq kólikter - 17,8%», - dedi Almaty qalasynyń bas sanitarlyq dárigeri.
Almaty qalasynyń bas sanitarlyq dárigeriniń sózinshe, virýstyń taralýy tómendei bastady, biraq bul infektsiia ketti degendi bildirmeidi.
«Azamattar derttiń qanshalyqty qaýipti ekenin túsinýi tiis. Ásirese 60 jastan asqandar qater tobynda, óitkeni, ólim kóbinese halyqtyń osy sanatynda bolady. Jasyna qarai kóptegen adamdarda sozylmaly aýrýy bar, dert juqqan kezde olar órshi túsedi. Sondyqtan remissiia kezeńinde ekpe alý qajet. Koronavirýsty vaktsina ǵana jeńedi», - dedi ol.
Jandarbek Bekshin halyqty vaktsinalaýdy kúsheitýge jáne qoǵamdyq oryn men kólikte maska rejimin saqtaýǵa shaqyrdy. Ol qala turǵyndarynan adam kóp jinalatyn nysanǵa, túngi klýb, meiramhana, dámhanaǵa barmaýǵa jáne úidegi buqaralyq is-sharany shekteýge keńes berdi.
«Almatylyqtar toidy toqtatpai otyr. Maska taǵý rejimin de elemeidi», - deidi ol.
