Sinoptikter 9-11 qyrkúiekke arnalǵan aýa raiy boljamyn usyndy, - dep habarlaidy "Ult aqparat" "Qazgidromet" RMK málimetine silteme jasap.
Tsiklon men frontal bólikter áserinen soltústikte, soltústik-shyǵysta jańbyr jaýyp, shyǵys óńirlerde nóser bolady dep kútiledi. Tek ońtústik pen batysta jaýyn-shashynsyz aýa raiy boljanǵan.
10 qyrkúiekten bastap Soltústik tsiklonnyń Qazaqstan aýmaǵyna yǵysýyna bailanysty elimizdiń basym bóliginde, taýly aýdandarda jáne ońtústik, ońtústik-shyǵys óńirlerdiń soltústiginde, naizaǵai men burshaq jaýý yqtimaldyǵy bar.
"Batysta, soltústik-batysta aýa temperatýrasy birtindep kóteriledi: túnde 3-11-den 5-15 gradýsqa deiin, kúndiz 15-23-ten 20-28 gradýsqa deiin. Soltústik pen ortalyqqa kelsek, túnde negizgi fon 2-13 gradýs bolady.
Al, 9 qyrkúiekte topyraq betinde 2 gradýs úsik júredi. Kúndiz 15-23-ten 10-20 gradýsqa deiin, shyǵysta túnde 2-16, kúndiz 15-25 gradýs, ońtústik pen ońtústik-shyǵysta túnde 10-18-den 4-14 gradýsqa deiin, kúndiz 19-30-dan 15-25 gradýsqa deiin jyly bolady dep boljanǵan", - delingen habarlamada.
