28 shilde kúni el aýmaǵynyń basym bóliginde kún ashyq bolady, dep habarlaidy "Ult aqparat" «Qazgidrometke» silteme jasap.
Sársenbide tek elimizdiń soltústik, soltústik-batys, batys jáne ońtústik-shyǵysynda atmosferalyq aýa aǵyndarynyń áserinen ótkinshi jańbyr jaýady, burshaq kútiledi. Respýblika boiynsha kei jerlerde jel kúsheiip, ońtústik jáne ońtústik-shyǵysta shańdy daýyl turýy yqtimal.
Jambyl, Túrkistan, Qyzylorda oblystarynyń kei jerlerinde shyńdy daýyl, jeldiń kúsheiýi 15-20 m/s, Túrkistan oblysynda ekpini 23 m/s.
Kúndiz Aqmola, Almaty, Qostanai, Soltústik Qazaqstan oblystarynyń kei jerlerinde burshaq túsip, jeldiń jyldamdyǵy 15-20 m/s jetedi.
Qaraǵandy, Mańǵystaý, kúndiz Atyraý, Aqtóbe oblystarynyń kei jerlerinde jel 15-20 m/s deiin kúsheiedi.
Kúndiz Jambyl, Almaty oblystarynda aptap ystyq saqtalady.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Almaty, Aqtóbe, Qaraǵandy oblystarynyń kei jerlerinde, Qostanai oblysynyń ońtústiginde, Aqmola, Shyǵys Qazaqstan oblystarynyń jekelegen aýdandarynda joǵary órt qaýpi saqtalady.
