6 sáýirde Jambyl oblysynda koronavirýs infektsiiasyn juqtyrýdyń 6 jaǵdaiy anyqtaldy, dep habarlaidy "Ult aqparat" coronavirus2020.kzsaityna silteme jasap.
Naýqastar 1958, 1963, 1968, 1971, 1988 jáne 2001 jyly týǵan Qordai aýdanynyń turǵyndary.
Aldyn ala málimetter boiynsha, olar 17 naýryzda Qordai aýdanyna týysynyń jerleý rásimine kelgen Nur-Sultan qalasynyń 30 jastaǵy turǵynynan juqtyrǵan.
«Olarmen bailanysta bolǵan adamdardy anyqtaý, karantin statsionaryna ornalastyrý, zerthanalyq zertteýge materialdardy saralaý jumystary júrgizilip jatyr. Budan bólek, sanitarlyq-epidemiialyq qyzmet olardyń turǵylyqty mekenjailary men bolǵan oryndaryn dezinfektsiialap jatyr», - delingen aqparatta.
