Nur-Sultan halyqaralyq áýejaiy janarmai tapshylyǵy máselesi sheshilgenin aitty, - dep habarlaidy Tengrinews.kz.
"Aviatsiialyq janar-jaǵarmai tapshylyǵyna qatysty elorda áýejaiy Indýstriia jáne infraqurylymdyq damý ministrligimen jáne Energetika ministrligimen birlese otyryp, aviatsiialyq otynmen qamtamasyz etý boiynsha jumys júrgizip jatqanyn málimdeimiz. Qazirgi ýaqytta sipattalǵan syni jaǵdaidyń aldyn alǵan", - dedi Nursultan Nazarbaev halyqaralyq áýejaiynyń baspasóz hatshysy Ánýar Shalekenov.
Onyń aitýynsha, áýejaida turaqty jolaýshylar jáne júk reisterin úzdiksiz janarmaimen qamtamasyz etý jumystary júrgizilip jatyr, Pavlodar munai-himiia zaýyty jumysyn qalpyna keltirgenge deiin zaýyttardan aviatsiialyq otyndy jetkizý kestesi ázirlendi.
"Qazirgi tańda elorda áýejaiynda qalǵan aviatsiialyq kerosin naryqtyń basqa qatysýshylary, Air Astana áýe kompaniiasynyń, áskerilerdiń, memlekettik rezervtiń saqtaýyn esepke alǵanda 3100 tonnany quraidy. Jaqyn kúnderi 3900 tonna jetkiziledi dep kútilip otyr. Búginde 3800 tonna aviakerosin jetkizýge kelisimshart jasalyp, tólendi", - dep tolyqtyrdy baspasóz hatshysy.
