Qaraǵandy oblysynyń politsiia departamenti ánshi Janar Hamitovanyń ólimine qatysty isti tergeýge aldy, dep habarlaidy "Ult aqparat".
Vedomstvonyń baspasóz qyzmeti ánshiniń kóz jumǵanyn rastap, qaiǵyly oqiǵa boiynsha tergeý júrgizilip jatqanyn atap ótti.
"Janar Hamitovanyń ólimi boiynsha sotqa deiingi tergeý bastaldy. Tiisti saraptamalar taǵaiyndaldy. Basqa aqparat tergeý múddesine sáikes jariia etilmeidi", - dep habarlady oblystyq politsiia departamentiniń baspasóz qyzmeti.
Tergeý qylmystyq kodekstiń 105 babynyń 1-tarmaǵy (Jábirlenýshini qorqytý, oǵan qatygezdikpen qaraý nemese onyń adami qadir-qasietin únemi qorlaý arqyly adamdy ózin-ózi óltirýge deiin nemese ózin-ózi óltirýge barýǵa deiin jetkizý) boiynsha júrip jatyr.
"Oqiǵanyń mán jaiyn anyqtap jatyrmyz", - dedi politsiiadaǵylar.
Aita ketsek, búgin "Arnaý" tobynyń eks-ánshisi Janar Hamitovanyń Qaraǵandy oblysy Qarqaraly aýdanyndaǵy týǵan aýylynda kóz jumǵany belgili boldy.
