Foto: QazAqparat
Parlament Májilisiniń depýtaty Edil Jańbyrshin Astanada ereýilge shyqqan jańaózendikterdiń máselesi kóshede sheshilmeidi dep esepteidi. Bul týraly Sputnik Qazaqstan agenttigi habarlady.
"Kóshede nemese dalada másele sheshilmeidi. Bul – bir. Ekinshiden men "BerÁli" kompaniiasynyń basshysymen senbi kúni kezdestim, Aqtaýǵa bardym. Kompaniia basshysy qujattaryn alyp keldi, ol qujattardyń barlyǵyn munda alyp keldim, eki kún sol qujattardy saralap, zerdelep, arnaiy Bas prokýratýraǵa, "Samuryq-Qazynaǵa", energetika ministrligine hat joldadyq. Quzyrly organdarmen, Májilis basshylarymen osy problemalarǵa qatysty jumys júrgizildi", - dedi Jańbyrshin.
Májilis depýtaty qolynda munaishylarǵa qatysty qujattardyń barlyǵy bar ekenin atap ótti.
"Qandai másele bolsa da ústel ústinde sheshiledi. Bárin zań aiasynda jasaý kerek. Jumysshylardyń máselesin ǵana emes, jalpy osy júiedegi problemany sheshý kerek", - deidi ol.
