video kadry
Jelide 17 sáýirde Jańaózende bolǵan jarylysqa qatysty video tarady. Videoda mamandar jáne ekspertter jarylys sebebin anyqtaý maqsatynda jer astyndaǵy gaz qubyryn qazyp, gaz shyǵaryp jatqany kórsetilgen. Mańǵystaý oblysy TJD ókilderi pikir bildirdi, - dep habarlaidy Tengrinews.kz saity.
"Bul málimdemelerdiń shyndyqqa janaspaitynyn nazarǵa salamyz. Qazir júrgizilip jatqan jarylys-tehnikalyq saraptama birneshe kezeńnen turady, tereńirek jáne egjei-tegjei zertteý úshin jaǵdaidy baǵalaý qajet", - delingen habarlamada.
Sonymen qatar, vedomstvo ókilderi qandai da bir jalǵan aqparat jariia etilgen jaǵdaida QR Qylmystyq kodekstiń 274-baby boiynsha jalǵan aqparat taratqandar qylmystyq jaýapkershilikke tartylatynyn eskertti.
Vedomstvo ókilderi qazaqstandyqtardan tek resmi aqparat kózderine senýdi surady.
video: Tengrinews.kz
Aita keteiik, oqiǵa 17 sáýirde tańǵy saǵat 5 shamasynda (Astana ýaqytymen) Jańaózen qalasyndaǵy 2-shaǵynaýdanda eki kireberisten turatyn 12 páterli eki qabatty turǵyn úide bolǵan. Aldyn ala boljam boiynsha gaz jarylǵany habarlandy. Al saldarynan 150 sharshy metr kireberis qiraǵa.
