Foto: pixabay.com
"QazMunaiGaz" Jańaózendegi tótenshe jaǵdai saldarynan baspanasyz qalǵan turǵyndarǵa jańa páter beredi, - dep habarlaidy "Ult aqparat" "QazMunaiGaz" baspasóz qyzmetine silteme jasap.
"QazMunaiGaz" UK AQ Jańaózendegi tótenshe jaǵdai saldarynan qaza bolǵan turǵyndardyń otbasyna, týystary men jaqyndaryna qaiǵyra kóńil aitady jáne zardap shekken jandardyń tezirek saýyǵyp ketýin tileidi.
Turǵyn úisiz qalǵan otbasylarǵa jańa páter beriledi, zardap shekkenderge ortalyq jáne jergilikti atqarýshy organdarmen birlese otyryp, barlyq qajetti kómek kórsetiledi", - delingen habarlamada.
Aita keteiik, oqiǵa 17 sáýirde tańǵy saǵat 5 shamasynda (Astana ýaqytymen) Jańaózen qalasyndaǵy 2-shaǵynaýdanda eki kireberisten turatyn 12 páterli 2 qabatty turǵyn úide bolǵan.
Aldyn ala boljam boiynsha gaz qospasy jarylǵan. Saldarynan 150 sharshy metr kireberis qiraǵan.
