Politsiia qyzmetkerleri búgin izdeýde júrgenderdi ustady, dep habarlaidy "Ult aqparat".
Kúdiktiler 20 tamyz kúni ýaqytsha qamaý abaqtysynan qashyp ketken.
Jańaózen qalasy Rahat aýdanynda ornalasqan úilerdiń birinen tabylǵan úsh jigitke osyǵan deiin quqyq qorǵaý organdarymen izdeý salynǵan bolatyn. Olar QR Qylmystyq kodeksiniń 192-bap (qaraqshylyq) 2-bóligi boiynsha qylmysqa qatysy bar dep kúdikke ilingen.
Ustalǵandar ýaqytsha qamaý izoliatoryna jetkizildi. Jelide olardy politsiia qyzmetkerleriniń ustap jatqany týraly video tarady.
