Foto: QR TJM
Jańaózendegi jarylystan qaza tapqandar sany artty, - dep habarlaidy "Ult aqparat" Tótenshe jaǵdailar ministrligi baspasóz qyzmetine silteme jasap.
Vedomstvo málimetinshe, qutqarý jumystary jalǵasyp jatyr.
"Qutqarýshylar úiindi astynan taǵy úsh adamdy tiridei alyp shyqty. Olar - er adam, áiel jáne bir bala. Osylaisha, qazirgi jaǵdai boiynsha qutqarýshylar úiindi astynan aman qalǵan 4 adamdy jáne 3 adamnyń denesin shyǵardy.
Qutqarylǵandardy jáne meditsinalyq kómekke júgingenderdi qosqanda barlyǵy 8 adam aýrýhanaǵa jatqyzyldy.
Úiindilerdi taldaý boiynsha jedel jumystarǵa 40-qa jýyq tehnika men 350-ge jýyq adam jumyldyryldy: qutqarýshylar, onyń ishinde kinologiialyq eseptop, Ulttyq ulannyń áskeri qyzmetshileri, jergilikti atqarýshy organdar, jedel meditsinalyq kómek, politsiia, eriktiler", - delingen TJM habarlamasynda.
Avariialyq-qutqarý jumystary jalǵasyp jatyr.
Aita keteiik, búgin tańǵy beste Jańaózen qalasynda 12 páterli ekiqabatty turǵyn úide jarylys boldy. Boljam boiynsha 2-shi kireberistegi páterde gaz qospasy jarylǵan. Jarylys saldarynan 3 páterge zaqym kelgen. Turǵyn úi gazdan ajyratyldy.
