Jańaózende demalys kúnderi karantin tártibin buzyp, toi jasaǵandar jazalandy, dep habarlaidy "Ult aqparat".
Qalalyq monitoring toby reid kezinde bas sanitardyń qaýlysyn oryndamaǵan 3 toi men meiramhana ielerin anyqtady.
Jańaózen politsiia bóliminiń baspasóz qyzmeti habarlaǵandai, toi ústinen túsken monitoringtik top músheleri «Aqsulý» meiramhanasyna jinalǵan qonaqtar men qalyńdyqty úiine qaitardy.
«Toiǵa kelýshilerdiń sany 70 adamnan asyp ketken. Maska taqpai, áleýmettik ara qashyqtyqty saqtamaǵan. Toi dereý toqtatyldy. Qonaqtar úilerine qaitty. Al, ekinshi «Eýraziia» meiramhanasynyń iesi monitoring tobynyń eskertýine qulaq aspady. Esikti ishten kilttep alyp, toidy toqtatpastan ótkizdi», - delingen baspasóz habarlamasynda.
Budan bólek, «Han shatyr» meiramhanasynyń iesi politseilerdi kórip, toidaǵy qonaqtardy ózi qýa bastaǵan. Bas sanitar dárigerdiń qaýlysyn buzǵan kásipkerlerge 500 myń teńge kóleminde aiyppul salyndy.
