جاڭاٶزەندە دەمالىس كٷندەرٸ كارانتين تەرتٸبٸن بۇزىپ, توي جاساعاندار جازالاندى, دەپ حابارلايدى "ۇلت اقپارات".
قالالىق مونيتورينگ توبى رەيد كەزٸندە باس سانيتاردىڭ قاۋلىسىن ورىنداماعان 3 توي مەن مەيرامحانا يەلەرٸن انىقتادى.
جاڭاٶزەن پوليتسييا بٶلٸمٸنٸڭ باسپاسٶز قىزمەتٸ حابارلاعانداي, توي ٷستٸنەن تٷسكەن مونيتورينگتٸك توپ مٷشەلەرٸ «اقسۇلۋ» مەيرامحاناسىنا جينالعان قوناقتار مەن قالىڭدىقتى ٷيٸنە قايتاردى.
«تويعا كەلۋشٸلەردٸڭ سانى 70 ادامنان اسىپ كەتكەن. ماسكا تاقپاي, ەلەۋمەتتٸك ارا قاشىقتىقتى ساقتاماعان. توي دەرەۋ توقتاتىلدى. قوناقتار ٷيلەرٸنە قايتتى. ال, ەكٸنشٸ «ەۋرازييا» مەيرامحاناسىنىڭ يەسٸ مونيتورينگ توبىنىڭ ەسكەرتۋٸنە قۇلاق اسپادى. ەسٸكتٸ ٸشتەن كٸلتتەپ الىپ, تويدى توقتاتپاستان ٶتكٸزدٸ», - دەلٸنگەن باسپاسٶز حابارلاماسىندا.
بۇدان بٶلەك, «حان شاتىر» مەيرامحاناسىنىڭ يەسٸ پوليتسەيلەردٸ كٶرٸپ, تويداعى قوناقتاردى ٶزٸ قۋا باستاعان. باس سانيتار دەرٸگەردٸڭ قاۋلىسىن بۇزعان كەسٸپكەرلەرگە 500 مىڭ تەڭگە كٶلەمٸندە ايىپپۇل سالىندى.
