Jańaózende qyzmettik ittiń kómegimen qala turǵynynyń garajynan qarý-jaraq tabyldy, - dep habarlaidy Sputnik Qazaqstan Ulttyq ulan baspasóz qyzmetine silteme jasap.
Aqparatta aitylǵandai, qarý-jaraq "Mamyr" shaǵyn aýdanynda turatyn 34 jastaǵy er adamnyń garajynda jasyrylǵan. Ulttyq ulan áskerileri ony qyzmettik ittiń kómegimen tapty.
Garajdy tintý barysynda zańsyz saqtalǵan 1 sholaq ańshy myltyǵy men 1 sporttyq myltyq tárkilendi.
Aita keteiik, byltyr Ulttyq ulan áskerileri qyzmettik ittiń kómegimen zańsyz esirtki ainalymynyń úsh faktisin áshkereledi.
