Elimizdiń birqatar buqaralyq aqparat quraly Jańaózen qalasyndaǵy «Sberbank» bólimshesiniń inkassatorlaryna qaraqshylyq shabýyl jasalǵanyn habarlaǵan bolatyn. Osyǵan orai atalǵan bank resmi málimdeme jasady, dep habarlaidy "Ult aqparat".
«Shynymen de 2020 jyldyń 3 jeltoqsanynda, keshki ýaqytta «Sberbank» bólimshesi janynda bankke inkassatsiialyq qyzmet kórsetetin basqa kompaniianyń inkassatar kóligine shabýyl jasaldy. Kóliktiń júrgizýshi-inkassatory bank bólimshesine kirip ketken áriptesterin kútip otyrǵan sátte jasalǵan. Bul rette atalǵan kompaniianyń qyzmetkerleri basqa uiymnan inkassatsiialaǵan aqsha qarajaty urlanǵan. Osylaisha, «Sberbank» klientteriniń qarajattary tolyq saqtalyp turǵandyǵyn habarlaimyz», - deligen qarjy uiymynyń aqparatynda.
Bank málimetinshe, qaraqshylyq shabýyl kezinde eshkim zardap shekpegen.
«Sberbank» jasalǵan qylmystyń qysqa ýaqyttyń ishinde áshkerelenip, kináliler jazalanatyndyǵyna, qarajat ielerine qaitarylatyndyǵyna úmit artady jáne qylmysty ashý úshin barynsha járdem kórsetedi», - dedi bankten.
